.

15/Teşrîn-i Sânî/[1]336 Târîhinde Erivan'ın Tirlik Karyesinde Ermeniler Tarafından Yapılan Mezâlim:
 
Mezkûr karye evvelce 10 hâneli olup 75 nüfûsu mevcûd idi. 75 mâl, 382 koyun, 9 at, eşyâ ve erzâklarımız tamamen Ermeniler tarafından yağma edilmişdir. On hâneden bir hâne kurtulabilmişdir. Diğerleri kâmilen vahşî bir sûretde Ermeniler tarafından itlâf edilmişdir.
 
Tirlik karyesinden
Hüseyin oğlu Hamza Ağa
 
****
17/Teşrîn-i Sânî/[1]336 Târîhinde Erivan'ın Pozbir Karyesinde Ermeniler Tarafından Yapılan Mezâlim:
 
Mezkûr karye evvelce 6 hâne olup 50 nüfûsu mevcûd idi. 28 mâl, 219 koyun, 3 at, eşyâ ve erzâklarımız Ermeniler tarafından tamamen yağma edilmişdir. Bu altı hâneden bir hânesi Ermeni kılıncından ve mezâliminden kurtulabilmişdir. Diğerleri sûret-i vahşîyânede itlâf edilmişdir.
 
Pozbir karyesinden
Haso oğlu Murad
 
22 Teşrîn-i Sânî [1]336 Târîhinde Kars'ın Taşnik Karyesinde Ermeniler Tarafından Yapılan Mezâlim:
 
Mezkûr karye evvelce 60 hâne olup 300 nüfûsu mevcûd idi. 295 mâl, 600 koyun, 50 at Ermeniler tarafından yağma edilmişdir. Bu 60 hâneden 3 hâne kurtulabilmişdir. Diğerleri tamâmen itlâf edilmişdir.
 
Taşnik karyesi ağalarından
Mehmed Hasan oğlu Hasan Ağa
 
****
23 Teşrîn-i Sânî sene [1]336 Târîhinde Kars'ın Subatan Karyesinde Ermeniler Tarafından Yapılan Mezâlim:
 
Mezkûr karye evvelce 100 hâneli olup 516 nüfûsu mevcûd idi. 800 mâl, 1.500 koyun, 93 at, eşyâ ve erzâklarımız tamamen Ermeniler tarafından yağma edilmişdir. Bu talandan kurtulabilen 10 hânedir. Diğerleri evlere doldurularak yakılmış ve genç kızların ırzları pây-mâl edilerek, memeleri ve ağız, burunları kesilmek sûretiyle itlâf edilmişlerdir.
 
Subatan karyesinden
Ali oğlu İsmail Ağa
 
****
3 Teşrîn-i Sânî sene [1]336 Târîhinde Kars'ın Ani ve Danyalık [Daynalık] Karyelerinde Ermeniler Tarafından Yapılan Mezâlim:
 
Korhane, Daynalık ahâlîsi tamamen itlâf, mâlları, erzâkları, eşyâları kâmilen yağma edilmişdir. Kezâlik Ani karyesi ahâlîsinin de kısm-ı a‘zamı itlâf ve pek cüz’î kısmı firâr edebilmişlerdir. Emvâl ve eşyâsı kâmilen talan edilmişdir. Ani karyesindeki câmi‘de el-ân İslâm iskeletleri pek çokdur.
 
Ani karyesinden
Burhan oğlu Taşdemir
 
Daynalık karyesinden
Mehmed b. Zeynel Ağa
 
BOA. HR. SYS. 2878/81
 
Kaynakçalı Ermeni Meselesi Kronolojisi (1878-1923) - Dr. Recep Karacakaya (BOA, Yayın No: 52)
 
Ermeniler Tarafindan Yapilan Katliam Belgeleri (1914-1921) Cilt 2, Belge no: 82, s.1015-1019